భారతదేవికి వందనం

భారతదేవీ వందనం ఓ..

బంగరు భూమీ వందనం

ఏడు స్వరములు పాటగ మారగా

కోటి స్వరముల కీర్తనం        /భారత/

నీ శుభగానం పాడెదమూ

నిరతము నిన్నే కొలిచెదమూ

ప్రతి ఒక ఫౌరునీ మానసమందిరం

నిండెను మంగళమౌ నీ రూపం    /భారత/

కాలం వెనుకే పరుగెడుతూ

సతతము మాకై శ్రమపడుతూ

అలసిన సొలసిన నిను సేవించే

అమ్మా మాకొక వరమివ్వు         /భారత/

కలతల కాలం ముగిసింది

కమ్మని తరుణం ముందుంది

ప్రతి భారతీయుడూ కార్మిక యోధుడై

నిలుపును జగతిలో నీ ప్రగతి  /భారత/