దేశద్రోహులు

ఎవరికి ఓటేశావ్?
మనసున్న మంచివాడికా?
కాదు...కాదు...
చదువున్న సంస్కారికా?
అదేం కాదు...
బాధ్యతున్న దేశభక్తుడికా?
అస్సలు కాదు...
సంఘమంటే అతనికవగాహన ఉందా?
ఏమో తెలీదు...
దేశాబ్యుదయమే అతని ఆశయమా?
కాదనుకుంటా...

మరి..ఏం తెలిసి అతనికోటేశావ్?
ఏంకోరి దేశాన్నతని చేతిలో పెట్టావ్?
అదేమీ ఆలోచించలేదా?

అవగాహనలేని, బాధ్యత లేని
తెలివిమాలిన... ఓటరువి నువ్వు!
నోట్లు పంచి ఓట్లు దండే దమ్మున్న
తెలివిమీరిన... నాయకుడు అతను!
అందుకే..ఇద్దరూ దేశద్రోహులే!!