కల-జీవితం

ఎడ తెరిపి లేని ప్రయాణం..
ఆసాంతం వీక్షిస్తూ..విహరిస్తూ..
ఒక్క క్శణం నిరాశ..

అగాధాల అంచున పయనిస్తూ
ఎక్కడో చీకటి పాతాళంలోకి పడిపోతూ
మళ్లీ లేచి పైపైకి ఎగురుతూ
పడుతూ.. లేస్తూ..
మరుక్షణం ఏదో ఆశ..

ప్రపంచమంతా వర్ణమయంగా
మెరుస్తూ.. గుభాళిస్తూ..
ఆనందడోలికల ఊరేగుతూ
ఎన్నెన్నో అనుభూతుల తేలియాడుతూ

అంతలోనే..ఆగిపోయింది
నిశీధి నిద్ర ముగిసిపోయింది
కల్లల కల మాయమయ్యింది
కల చెదిరి ఉదయమయ్యింది
జీవితం ముగిసి మరణమొచ్చింది