అబ్బురాలు-అద్భుతాలు
మౌనంగా పెరిగే మొక్కా
ముచ్చటగా వికసించే పువ్వూ
వెలుగుతూ ఎగిరే మిణుగురూ
గుంభనంగా గూడు కట్టే పక్షీ
మట్టిముద్ద దొర్లించుకెళ్లే పురుగూ
పలికే చిలకా పాడే కోయిలా
పండే చేనూ పండ్లిచ్చే చెట్టూ
అనునిత్యం గోచరించు అబ్బురాలు
విశాల వినీల ఆకాశం
గంభీరాకార మహాసాగరం
ఠంచనుగా వచ్చెళ్లిపోయే సూర్యచంద్రులూ
నిధులెన్నో దాచుకున్న నేలా
లేకుంటే ఏంటన్నది ఊహించలేని నిప్పూ నీరూ ఉప్పూ
అన్నాదులను పండిచి ఇచ్చే మట్టీ
ప్రవహించే నీరూ పడిలేచే కెరటం
కదిలే మేఘం కురిసే వర్షం
అగుపిస్తూ అంతుచిక్కని అద్భుతాలు
